Sedih Skali :(

Tuhan........
malam ini sa sedih sekali.
sa rasa sa macam orang hilang saja
yang tidak tau arah hidup ini
sa tidak tau tapi?

Sa tidak tau mengapa sa bisa seperti ini...
sa rasa makin lama sa hidup ni
Engkau kasi lihat sa kenyataan hidup ini.
yang memang cukup keras juga.
hmmm....
Memang sa pikir-pikir juga
hidup ini macam sesuatu yang tidak bisa diungkapkan
deng sa pu kata-kata
macam tidak pas semua...

Tuhan walaupun hari ini sa sedih sekali
banyak orang yang bilang sa terlalu sombong
sa tidak tau Tuhan sa pu salah apa sama mereka...
Padahal sa cuma lakukan apa yang sa bisa tuk
membela hak saya yang telah diperebutkan oleh para linta darat itu!!!
yang buat sa pu mama de menangis setiap hari...
Sa sadar sa ne masi belum bewawasan luas
masi belum pantas untuk melakukan semua apa yang
mereika lakukan untuk memperjuangkan hak semua orang..

Tapi Tuhan walaupun begitu
sa adalah seorang manusia
yang Kau ciptakan, punya perasaan...
sa minta maaf...
kalau semua yang saya lakukan ini salah menurut-Mu.
Tapi Tuhan....
sa sedih skali ni....
O_C